AŞPA deputatları Anar Məmmədlinin azadlığa buraxılmasına çağırırlar

AŞPA-nın bütün siyasi qruplarının nümayəndələrinin imzaladıqları
bəyannamə qış sessiyası iştirakçıları arasında assambleyanın rəsmi
sənədi kimi paylanılıb.

Sənəddə qeyd olunur ki, A.Məmmədli tanınmış vətəndaş cəmiyyəti
fəalıdır. O, beynəlxalq təşkilatlar, o cümlədən Avropa Şuarsı ilə
əməkdaşlıq edib.Onun rəhbərlik etdiyi təşkilat 2001-ci ildən Azərbaycanda seçkilərin
monitorinqini həyata keçirib. 2013-cü il 9 oktyabr prezident
seçkilərinin monitorinqini keçirib və müşahidənin nəticələrinə dair
hesabat yayıb. Sənəddə seçki prosesi tənqid edilib.SMDTM  Aİ ölkələri vətəndaş cəmiyyəti institutları və “Şərq
tərəfdaşlığı” ölkələri ilə birgə yaradılmış demokratik seçkilər üzrə
Avropa platformasının (EPDE) üzvüdür. A.Məmmədli EPDE İdarə Heyətinin
üzvü seçilib.Bəyannamə müəllifləri Azərbaycan hakimiyyətini A.Məmmədliyə qarşı
ədalətli və şəffaf hüquqi prosesin keçirilməsini təmin etməyə, Avropa
İnsan Hüquqları Konvensiyasının  tələblərinə tam həcmdə əməl etməyə
çağırıb.

AŞPA üzvləri A.Məmmədlini məhkəməyəqədərki həbsdən azad etməyə çağırıblar.

Amnesty International hüquq-müdafiə təşkilatı A.Məmmədlini “vicdan məhbusu” kimi tanıyıb.