Sabah Bakıda 10 dərəcə şaxta olacaq
Bazar günü ölkə ərazisində şaxtalı hava şəraiti davam edəcək. Bakı və Abşeron yarımadasında fevralın 2-də gecə və səhər bəzi yerlərdə
az qar yağacağı, gün ərzində dəyişkən buludlu olacağı, arabir
tutulacağı, əsasən yağmursuz keçəcəyi gözlənilir. Mülayim şimal-şərq
küləyi əsəcək. Havanın temperaturu gecə 7-10, gündüz 0-3 dərəcə şaxta
olacaq, gecə və səhər yollar buz bağlayacaq.
Azərbaycanın rayonlarında fevralın 2-də gecə və səhər bəzi yerlərdə
qar yağacağı, gündüz tədricən kəsiləcəyi gözlənilir. Ayrı-ayrı yerlərdə
duman olacaq. Mülayim şərq küləyi əsəcək.
Gecə 6-11 dərəcə şaxta, gündüz 3 dərəcə şaxtadan 2 dərəcəyədək isti, dağlarda gecə 13-18 dərəcə, gündüz 2-7 dərəcə şaxta olacaq.
Fevral ayının əvvəlində ölkə ərazisində hava şəraitinin anomal soyuq
keçəcəyi, havanın temperaturunun iqlim normasından aşağı olacağı
gözlənilir. Ayın ortalarında temperatur rejiminin normaya yaxın, üçüncü
ongünlükdə isə xeyli tərəddüdlü olacağı gözlənilir.
Short URL: http://www.cumhuriyyet.net/?p=3854
