Daha bir azərbaycanlı iş adamı həbs olunur – VİDEO

19.11.2015 - 11:23
telman2Azərbaycan əsilli iş adamı Telman İsmayılovun müflisləşməsi ilə bağlı xəbərlər hələ də Rusiya gündəmindədir. İndi heç kimlə ünsiyyət qurmaq istəməyən və harda olduğu bilinməyən iş adamının iflasa uğramasının səbəbləri nədir?
Cümhuriyyət.az ANS-ə istinadən xəbər verir ki, Rusiyada Telman İsmayılovu adı hallandıqda hamının ağlına qaçaqmal satışı səbəbindən bağlanan “Çerkizov” bazarı və Antalyadakı dəbdəbəli “Mardan Palace” hotelinin möhtəşəm açılış mərasimi gəlir.
Şou biznes ulduzlarına milyonlarla dollarlıq hədiyyələr verməyi adət halına gətirən milyarder iş adamının indi düşdüyü vəziyyət ilk baxışda təəccüblü görünsə də, Rusiya Dumasının millət vəkilləri bunun qaçılmaz bir nəticə olduğuna inanırlar.
Telman İsmayılovun iflasa uğramasının səbəbləri barədə isə Rusiyada fərqli düşünürlər.
“İnsan başqa bir ölkəyə milyardlarla kapital qoyanda, lüks otel açıb pulu havaya sovuranda, istər-istəməz belə bir sual ortaya çıxır ki, bu qədər pul bu adamda hardandır. Sonra da müflisləşmə təhlükəsi ortaya çıxanda isə bunda siyasi səbəblər axtarmaq yerinə bunu başa düşməliyik ki, əgər sən pulu Rusiyada qazanırsansa, kapitalı da bu ölkəyə qoymalısan. Belə olsaydı, bu problemlər də yaşanmazdı”, – deyə Duma üzvü Vladimir Sısoyev bildirib.
“Telman İsmayılov asan yollarla qazandığı pulları elə asanlıqla da xərclədi. Onun ətrafında yaxşı bir komanda olmadığı üçün bu biznesini inkişaf etdirə bilmədi. Çünki indiki şərtlərdə bizneslə məşğul olmaq o qədər də asan deyil. Bu səbəbdən Telman İsmayılovun imperiyası dağılmağa başladı. Məncə o, qazandığı asan pullarla borclarını ödəyəcək gücdədir”, – deyə Duma üzvü Viktor Gonçarov vurğulayıb.
Dumanın korrupsiya ilə mübarizə komitəsinin üzvü millət vəkili Anatoli Viborni isə Telman İsmayılovun həbsi ehtimalını da istisna etmir:
“Rusiya 90-ci illəri artıq geridə qoydu. Əvvəllər iş adamları kreditın ödənilməsindən yayınmaq üçün bankla razılaşa bilirdisə və ya kimisə sifarişlə həbsə atmaq mümkün idisə, indi belə hallar ortadan qaldırılıb. Dövlətin ciddi nəzarəti altına alınan biznes isə israfçılıq kimi halları bağışlamır. Ona görə mən Telman İsmayılovun həbsi barədə bir məhkəmə qərarının çıxacağı ehtimalını da istisna etmirəm”.
Telman İsmayılovun iflasa uğradığını qəbul etməsi üçün Moskva Arbitraj Məhkəməsinə şikayət edən “Bank Moskvı” isə 286 milyon dollarlıq alacağı üçün Azərbaycan əsilli biznesmenin Moskvadakı əmlakına həbs qoydurub.

Short URL: http://www.cumhuriyyet.net/?p=40062

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728