Eldar Əzizovun park biznesi

12.02.2014 - 13:13

Eldar Əzizovun park biznesi

Sumqayıtda 20 Yanvar şəhidlərinin xatirəsinə ucaldılmış abidə yoxa çıxıb; Nəsimi parkı oliqarxlara satılır



“Eldar Əzizov Sumqayıtda hər yeri satıb qurtarıb, indi də keçib Nəsimi adına mədəniyyət və istirahət parkının ərazisini satmağa. Ən acınacaqlısı odur ki, icra başçısı bu parkın ərazisindəki 20 Yanvar şəhidlərinin xatirəsinə ucaldılmış abidəni də sökdürüb. Artıq 3 gündür həmin abidə parkdan götürülüb. Ərazidə nə iş görüldüyü haqda heç kimə açıqlama verilmir. Amma fakt bundan ibarətdir ki, həmin park Sumqayıtın imkanlı adamları arasında bölüşdürülür”.



Məlumatı redaksiyamıza verən Sumqayıtdakı mənbə bildirib ki, Nəsimi parkındakı şəhidlərin xatirəsinə ucaldılmış abidənin ölkə miqyasında analoqu olmayıb: “Bu, ölkəmizdə yeganə abidə idi ki, Azərbaycanın iki yerə parçalanmasını özündə ehtiva edirdi. Bu park Sumqayıtda ən gözəgəlimli bir yerdir. Bu üzdən oliqarxlar orada obyektlər açmaq, parkın ətrafında villalar tikmək istəyirlər. Artıq bir neçə adam bu ətrafda villa da ucaldıb. İcra başçısı uzun müddət idi ki, özünün guya məsuliyyəti olmadan oliqarxlara həmin ərazini satmağın yollarını arayırdı. Nəhayət, buna nail olub. 



Bura adından göründüyü kimi, mədəniyyət və istirahət parkı olmasına baxmayaraq, Mədəniyyət və Turizm Nazirliyinə, icra hakimiyyətinin müvafiq strukturuna heç bir aidiyyəti qalmayıb. Sumqayıtda yeni bir Park İdarəsi yaranıb, faktiki olaraq heç bir icra strukturuna tabe deyil. Həmin quruma Eldar Əzizov öz adamını rəhbər təyin edib, o da icra başçısının dediyi adamlara parkların ərazisindən yer satır. İndi hədəfdə Nəsimi parkıdır. Burada hətta “Tı kto takoy, davay, do svidaniya” meyxanasını deyən Ehtiram və İntiqam qardaşlarına da son prezident seçkilərində müxalifəti aşağılayan meyxana dediklərinə görə mükafat olaraq yer verilib. Onlar orada restoran və özlərinin “yaradıcılıq muzeyini” tikəcəklər. Bu imkanı onlara birbaşa Eldar Əzizov yaradıb”.



Mənbə bildirdi ki, Nəsimi parkı uğrunda hazırda yerli məmurlar arasında savaş gedir: “Hər kəs buradan pay qoparmaq istəyir. Söz sahibi isə Eldar Əzizovdur; kim burada yer almaq istəyirsə, mütləq başçını görməlidir”. 



Nazirlər Kabinetinin qərarına əsasən, 2001-ci ildən Nəsimi adına Sumqayıt dənizkənarı mədəniyyət və istirahət parkı ölkə əhəmiyyətli tarix və mədəniyyət abidələri siyahısına daxil edilmişdi. 



“Yeni Müsavat”

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=4144

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Dekabr 2022
BE ÇA Ç CA C Ş B
 1234
567891011
12131415161718
19202122232425
262728293031