Bir qrup ADP-çi gənclər polis tərəfindən hədələnirlər
Azərbaycan Demokrat Partiyasından verilən məlumata görə partiyanın fəal üzvləri olan Elman Həsənov, Mehseti Hüseynova, Nahid Qocayev, Fərid Haqverdiyev, Hüseynli Şərəbani, Emin Hüseynli ,Altay Qasimov polis tərəfindən hədələnməkdədirlər. Beləki milli şüranın 2013-12-15 cü il tarixindəki hökümətlə razılaşdırılmış aksiyasına çox ciddi hazırlaşan ADP-çi aktivistlər aksiyaya çıxacaqları təqdirdə həbsə atılacaqları ilə hədələnirlər. ADP-nin mətbuat xidmətindən onu da bildirdilər ki,gənclər aksiya üçün təbliğ işləri ilə məşğuldurlar. Aksiyanın daha kütləvi hal alması üçün metro stansiya yaxınlıqları və insanların gəliş-gediş yerlərində bukletlər yazaraq paylayırlar. Xatırladaq ki, ADP-çi gənclər bundan öncəki aksiyalarda da bu cür aktiv fəaliyyət etdikləri üçün dəfələrlə polis və mülki geyimli şəxslərin basqıları ilə üzləşmişdilər. Ancaq buna baxmayaraq ADP-çilər yollardin dönməyəcəklərini bildirirlər
Short URL: http://www.cumhuriyyet.net/?p=41745
