“Nida”çı gənclərin məhkəməsi davam edir
13.02.2014 - 12:22
“Nida”çı gənclərin məhkəməsi davam edir
Bu gün “Nida” vətəndaş hərəkatının ötən il həbs olunmuş üzvlərinin məhkəmə prosesi davam edib.Əməkdaşımızın verdiyi məlumata görə, prosesdə ittiham olunanların şahidləri ifadə veriblər. Hazırda proses şahidlərin ifadəsi ilə davam edir.
Xatırladaq ki, ötən il martın 10-da Bakının mərkəzində gənclərin əsgər ölümlərinə qarşı etiraz aksiyasından əvvəl və sonra həbs edilən gənclərə qarşı 228.1-ci (qanunsuz olaraq silah, partlayıcı maddələr və qurğular əldə etmə, saxlama, daşıma və gəzdirmə) maddələri ilə cinayət işi başlanıb. Əzizov Məmməd, Quliyev Bəxtiyar və Novruzlu Şahinə həm də Cinayət Məcəlləsinin 234.1 (qanunsuz olaraq narkotik vasitələri əldə etmə, saxlama və ya satma) maddəsi ilə ittiham irəli sürülüb. “Azad Gənclik” Təşkilatının üzvü İlkin Rüstəmzadə isə 17 may 2013-cü ildə həbs olunub. İstintaq dövründə onlara qarşı Cinayət Məcəlləsinin 220. 1 (zorakılıqların, talanların, yanğınların törədilməsi, əmlakın məhv edilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) maddəsi ilə əlavə ittiham elan olunub. “Amnesty İnternational” təşkilatı onları vicdan məhbusu olaraq tanıyıb və dərhal azad edilmələrini tələb edib.
müsavat.com
Short URL: http://www.cumhuriyyet.net/?p=4181
