Timoşenko hakimiyyətlə gizli danışıqları təkzib edir

Avropa.info Ukrayna mətbuatına istinadən xəbər verir ki, sabiq baş nazir Yuliya Timoşenko mətbuata açıqlamasında Prezident Administrasiyasının rəhbəri Andrey Klyuyevlə Xarkovda xəstəxanada görüşü barəsində yayılan məlumatları təkzib edib. O deyib ki, Andrey Klyuyevin onunla görüşündən bir gün sonra prezident Viktor Yanukoviç onu mütləq danışıqlar aparan tərəf kimi tanımalıdır: “Siz yaxşı başa düşürsünüz ki, bu onlar üçün nə dərəcədə təhlükəlidir. Ona görə də siz belə şayiələrə inanmayın”.

Y.Timoşenko onu da əlavə edib ki, Avropa Məhkəməsi yaxın vaxtlarda onun barəsində ədalətli qərar verəcəyinə ümid edir: “O zaman Andrey Klyuyevlə deyil, Viktor Yanukoviçlə türmədə deyil, əgər onu haradasa tapa bilsəm, görüşəcəyəm”.

Ukraynanın Təhlükəsilik Xidmətinin əməkdaşlarının verdiyi məlumata görə isə, Andrey Klyuyevlə Yuliya Timoşenko Xarkovda üç məsələni müzakirə ediblər. Müzakirə olunan məsələlərdən biri Andrey Klyuyevin baş nazir, Sergey Tiqipkonun baş nazirin birinci müavini postuna gəlməsində Y.Timoşenkonun lideri olduğu “Batkivşina” partiyasının dəstək verməsi, ikincisi, Konstitusiyada islahatlar aparılması və bir də hakim Regionlar Partiyası ilə “Batkivşina”nın geniş parlament koalisiyasının yaradılmasını müzakirə ediblər.

 

müsavat.com