Vəhhabilərdən hakimiyyətə ultimatum – ÖZƏL

Radikal dini cərəyanın üzvləri Bakıda məscid tələb edirlər 

Son dövrlər ölkə gündəmindən düşməyən radikal dini cərəyanın nümayəndələri olan vəhhabilərin Azərbaycan üçün artıq real təhlükə mənbəyinə çevrildiyi açıq şəkildə görünməyə başlayıb. Politika.az xəbər verir ki, bir neçə gün əvvəl şiələrə qarşı bəyanat yayan və onları öldürməyi “cihad” hesab edən vəhhabilər, eyni zamanda başqa tələblərini də ortalığa atmağa başlayıblar. 

Sosial şəbəkələrdə yayılmış məlumatlarda deyilir ki, Bakıda məscidləri olmayan vəhhabilər “Əbu Bəkir” məscidinin bağlanmasına qəzəbli olduqlarını və yeni məscid inşa edilməsi üçün hökumətin göstəriş verməsini tələb edirlər. Onlar dolayısı ilə təhdid dilində hakimiyyətə çatdırmağa çalışırlar ki, əgər tələbləri yerinə gətirilməsə, o zaman durumları daha ağır olacaq və sərt addımlar atacaqlar. Həmin sərt addımların nələrdən ibarət olduğu barədə isə ümumiyyətlə, danışılmır.

(politika.az)