“Əlimdə faktlarım var” – Eldəniz Quliyev

Vətəndaş və İnkişaf Partiyasının sədri Əli Əliyev mətbuata açıqlamasında “El” hərəkatının Ali Məclisinin sədri Eldəniz Quliyevi məhkəməyə verəcəyini bildirib

Məsələ ilə bağlı münasibət bildirən Eldəniz Quliyev hadisələr belə davam edərsə, o da məhkəməyə müraciət edəcəyini qeyd edib: 

“Təbii ki, hadisə uzandıqca mən də öz tədbirimi görəcəm. Əgər mən onları təhqir etmişəmsə, demək əsaslı şəkildə əlimdə faktlarım var. Heç kəs heç kəsi durduğu yerdə təhqir edə bilməz. Ziyalı işıq dirəyi deyil ki, hər deyilən böhtana qarşı sussun. Onlar öyrənmişdilər ki, ziyalını söymək, döymək olar, o, isə susmalıdır. Mən sadəcə, bu streotipi sındırdım. Ona görə belə təəccüblənib öz səviyyələrini göstərirlər”.

Qeyd edək ki, VİP sədri mətbuata açıqlamasında bildirib ki, fevralın 17-də Eldəniz Quliyevdən məhkəməyə rəsmi şikayət edəcək. Onun sözlərinə görə, şikayət xüsusi ittiham qaydasındadır və Eldəniz Quliyevin barəsində cinayət işi açılaraq, həbs qərarının çıxarılması tələb edilir.