Eldəniz Quliyev də VIP-i məhkəməyə verə bilər

18.02.2014 - 11:43

Eldəniz Quliyev də VIP-i məhkəməyə verə bilər

“Daha çox onlar məni təhqir edib”
 
Vətəndaş və Inkişaf Partiyası (VIP) “EL” Hərəkatının Ali Məclisinin sədri, Milli Şuranın üzvü Eldəniz Quliyevi xüsusi ittiham qaydasında məhkəməyə verib. VIP iddia edir ki, Eldəniz Quliyevin müxtəlif media orqanlarında partiya, Əli Əliyev və təşkilatın üzvlərinə qarşı işlətdiyi ifadələr cinayət məsuliyyəti yaradır. 
Partiya Eldəniz Quliyevlə bağlı şikayət ərizəsini dünən Xətai Rayon Məhkəməsinə təqdim edib.
Eldəniz Quliyev isə “Azadlıq”a bildirib ki, VIP-in məhkəməyə müraciət etməsi onu narahat etmir: “Məhkəməyə verirlər versinlər. Amma daha çox onlar məni təhqir edib. Özü də bu partiya ilə mənim aramda yaranan konfliktin kökündə onların Milli Şuraya münasibəti dayanır. Bu partiya Milli Şuranın, əvvəlcə onun sədri, daha sonra fəxri sədri olan Rüstəm Ibrahimbəyovun, qurumun indiki sədri Cəmil Həsənlinin ünvanına hədyanlar yağdırırdılar. Mən də bunlara cavab verirdim. Daha sonra məsələ şəxsi müstəviyə keçdi və məni təhqir etməyə başladılar. Indi də məni məhkəməyə verirlər. Yəni, oğru elə bağırdı ki, doğrunun bağrı yarıldı”.
Eldəniz Quliyev bildirib ki, o da qarşılıqlı iddia ilə məhkəməyə müraciət edə bilər: “Düzdür, mən belə məsələlərin məhkəmə yolu ilə həllinin əleyhinəyəm. Çünki Azərbaycan məhəkəmələri sifarişlə işləyir. Lakin ehtiyac yaranacağı təqdirdə məhkəməyə müraciət edəcəyəm. Və əgər ədalətli məhkəmə olarsa, qarşı tərəf layiqli cəzasını alacaq”.
 (azadlıq.info)
https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=4382

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Noyabr 2022
BE ÇA Ç CA C Ş B
 123456
78910111213
14151617181920
21222324252627
282930