ABŞ Ukrayna hökumətinin vəzifəli şəxslərinə qarşı sanksiyalar tətbiq etməyə hazırdır
21.02.2014 - 09:57
ABŞ Ukrayna hökumətinin vəzifəli şəxslərinə qarşı sanksiyalar tətbiq etməyə hazırdır
ABŞ Ukraynada zorakılığa görə məsuliyyət daşıyan ölkə hökumətinin vəzifəli şəxslərinə qarşı sanksiyalar tətbiq etməyə hazırdır.APA-nın “İTAR-TASS”a istinadən verdiyi xəbərə görə, bunu ABŞ vitse-prezidenti Ukrayna prezidenti Viktor Yanukoviçlə telefon danışığı zamanı bildirib.
“ABŞ vitse-prezidenti Kiyevin küçələrində dinc sakinlərə qarşı tətbiq edilən zorakılığı qəti şəkildə pisləyib. O Yanukoviçi təhlükəsizlik qüvvələrini – milis dəstələrini, snayper, hərbi və hərbiləşdirilmiş birləşmələri dərhal geriyə çəkməyə çağırıb”, deyə məlumatda bildirilir.
“Vitse-prezident aydın şəkildə bildirib ki, Ukraynada zorakılığa görə məsuliyyət daşıyan ölkə hökumətinin vəzifəli şəxslərinə qarşı sanksiyalar tətbiq etməyə hazırdır”, deyə Ağ Evin açıqlamasında bildirilir. (musavat.com)
Short URL: http://www.cumhuriyyet.net/?p=4466
