“Demokratiya, Avropa dəyərləri Xəzər sahillərinə qədər genişlənməlidir”

Milli Şuranın sədri Cəmil Həsənli Ukraynadakı inqilab və Yanukoviçin devrilməsi ilə bağlı facebook səhifəsində münasibətini paylaşıb:

“Bu ölkədə baş verənlər bir daha göstərdi ki, avtoritar, diktator üsulları ilə idarəetmənin heç bir perspektivi yoxdur. Yanukoviç ona görə getdi ki, o, ölkədə heç bir islahat aparmadı. O, Ukraynanı demokratik dünyadan uzaq tutmaq istəyirdi və bu da xalqın istəyi ilə üst-üstə düşmürdü.

Yanukovyiç getdi, İlham Əliyev də onun ardınca gedəcək. Demokratiya, Avropa dəyərləri Xəzər sahillərinə qədər genişlənməlidir.

İndi diktator üsulu ilə ölkələri idarə etmək, xalqları əsarətdə saxlamaq mümkün deyil. Jurnalistləri, siyasi qüvvələri həbsə atmaqla, onların haqqında süni suçlar düzəltməklə heç nəyə nail olmaq olmaz. Bütün bunlar hamısı müvəqqəti şeydir. Ukrayna xalqını təbrik edirik. Bu ölkədə baş verən hadisələr postsovet məkanından demokratik qüvvələrin nə qədər haqlı olduğunu sübut etdi”.

azadlıq.info