Milli Suranin Ukrayna hadiseleri haqqinda beyenatı

24.02.2014 - 16:09

Milli Suranin Ukrayna hadiseleri haqqinda beyenatı

Azərbaycanın Demokratik Qüvvələrin Milli Şurası Ukraynada cərəyan edən son hadisələrlə bağlı Ukrayna xalqının və demokratik qüvvələrin apardığı azadlıq və demokratiya ugrunda mübarizəyə dəstəyini ifadə edən bəyanatla çıxış edib. Qurumun mətbuat xidmətindən Avropa.info-ya daxil olan bəyanatda deyilir:
“Ukrayna dövləti və Ukrayna xalqı son dörd ay ərzində tarixinin ən çətin və ən şərəfli mərhələlərindən birini yaşamışdır. Avropa Birliyi və Şərq Tərəfdaşlığı ölkələrinin üçüncü Vilnüs Sammitində Avropa Birliyi ilə Assosiasiya Sazişi və Azad Ticarət Sazişi imzalamamaqla Avropa xalqları ailəsinə qoşulmaq istəyində olan Ukrayna xalqının ən xoş niyyət və ümidləri Ukrayna siyasi rəhbərliyinin hakimiyyət maraqlarına qurban verilmişdir. Avropaya inteqrasiya etməklə insan hüquqları, qanunun aliliyi, demokratiya, siyasi plüralizm, azad seçim və rəqabət kimi prinsip və dəyərlərə, daha yaxşı idarəetməyə, sosial rifaha və tərəqqiyə daha da yaxınlaşmağı arzulayan azadlıqsevər və mübariz ukraynalılar dövlətin və xalqın ali maraqlarının bir ovuc siyasi möhtəkir və mənfəətpərəstin hakimiyyət maraqlarının girovuna çevrilməsi ilə barışa bilməzdi və barışmadılar. Məğrur Ukrayna xalqı son bir neçə ay ərzində çətin hava şəraitində, meydanlarda, güllə yağışı altında uşaqlı-böyüklü, qocalı-cavanlı azadlıq uğrunda mücadilə verərək, nəinki Ukrayna, dünya tarixinin ən gözəl qəhrəmanlıq salnamələrindən birini yaratdı. 
Ukraynalılar bununla XXI əsrdə öz xalqlarının istək və arzuları ilə hesablaşmayan, korrupsiyaya və rüşvətə bulaşmış inzibati idarəetmə metodları ilə ölkələrini feodal keçmişə sürükləyən, azad düşüncəni siyasi təqiblərlə və həbslərlə susdurmaq istəyən, şəxsi və ailə maraqlarını milyonlarla vətəndaşının həyati maraqlarından üstün tutan avtoritar rejimlərə heç vaxt unutmayacaqları ibrət dərsini verdilər. Biz Ukraynanın azadlığı və xoşbəxt gələcəyi uğrunda canlarını qurban vermiş ukraynalıları Azadlıq Şəhidləri hesab edirik və onların ruhu qarşısında baş əyirik. Onların öz qanları ilə səpdiyi demokratiya və azadlıq toxumları cücərəcək və xoşbəxtlik arzusunda olan bütün xalqların, o cümlədən, Azərbaycan xalqının istibdad və zülm ilə mübarizəsinə öz töhfəsini verəcəkdir. 
Demokratik Qüvvələrin Milli Şurası olaraq biz Ukrayna xalqını avtoritarizm üzərində qələbə münasibətilə təbrik edir, Ukrayna xalqının gerçək istək və arzularını ifadə edən demokratik qüvvələrə yeni dövlət quruculuğu sahəsində böyük uğurlar arzulayırıq. Əminik ki, demokratik qüvvələrin qısa bir zaman ərzində həyata keçirəcəkləri köklü islahatlar Ukraynanı sovet keçmişindən birdəfəlik ayıracaq sistem dəyişikliyinə səbəb olmaqla yanası, dost və qardaş Ukrayna xalqının Avrointeqrasiya arzusunun ən qısa zamanda gerçəkləşməsi ilə nəticələnəcəkdir. Ukrayna inqilabının baş və gerçək qəhrəmanı olan və bütün sınaqlardan şərəflə çıxmağı bacaran Ukrayna xalqının əyilməz iradəsi və mücadilə əzmi bunu bizə əminliklə söyləməyə əsas verir”. 
https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=4573

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Dekabr 2022
BE ÇA Ç CA C Ş B
 1234
567891011
12131415161718
19202122232425
262728293031