İqbal Ağazadə: “Ceyhun Osmanlı cinayət məsuliyyətinə cəlb olunmalıdır”

Milli Məclisin iclasına deputat İqbal Ağazadə qabaqcadan anons etdiyi kimi deputat Ceyhun Osmanlının jurnalist Xədicə İsmayılovanın səsini yazması barədə məsələ qaldırdı. O, xatırlatdı ki, 2009-cu ilin referendumunda Konstitusiyanın 32-ci maddəsinin 3-cü bəndinə dəyişiklik edilib ki, qanunla müəyyən olunmuş hallar istisna olmaqla heç kəs başqasının səsini yaza, videosunu çəkə bilməz:  “Amma təəssüf ki, bu günlərdə deputat həmkarımız Ceyhun Osmanlı bir jurnalistin səsini yazması ilə bağlı mətbuata açıqlama verib və telefonunu Baş Perokurorluğa təqdim edib. Bu, Azərbaycan Konstitusiyasına, Milli Məclisinə həqarətdi. Bu, çox eybəcər bir tendensiyasdır. Millət vəkili ya təkzib etməli, ya da bunu edibsə, Azərbaycan Konstitusiyasını pozubsa, cinayət məsuliyyətinə cəlb olunmalıdır”. 

O.Əsədov isə “Siz millət vəkilisiniz, hakim deyilsiniz, sizin əlinizdə sübut varmı ki, o, telefon verib” deyə bildirdi. 

(musavat.com)