Amsterdamda Nazim İbrahimova bağlı məktəb fırıldağı

 

Amsderdamda yaşayan Fikrət Hüseynli sosial səhifəsində Azərbaycan Diaspora Komitəsi ilə bağlı video paylaşıb.Cumhuriyyet.az həmin yazı və videonu təqdim edir.

Bildirilir ki, komitə davamlı olaraq dünyanın müxtəlif ölkələrində Azərbaycan məktəbləri açdıqlarını iddia edirlər. Bu məqsədlə Azərbaycanın dövlət büdcəsindən külli miqdarda pullar silinir. Kimlərsə pulları mənimsəyərək Azərbaycan vətəndaşlarını aldadırlar ki, guya məktəb açırlar. Əslində isə həqiqət budur ki, bu adamlar 2-3 günlük hansısa türk cəmiyyətinin ofisini icarəyə götürür, ora kompyüter və Azərbaycan bayrağı gətirirlər. Bayrağı qapıdan asırlar. Azərbaycanın həmin ölkədəki səfiri və Diaspora Komitəsiylə diaspora təşkilatının nümayəndələri gəlib “məktəb”in açılışını edirlər. Sonra da kompyüterlə bayraqları götürüb birdəfəlik itirlər. Bununla bağlı, sizə təqdim etdiyim bu video Amsterdamdakı “Azərbaycan məktəbi” barədədir. İllərdir bu Azərbaycan məktəbi adına pullar silinir, ortada isə fırıldaqdan başqa heç nə yoxdur. Bu “Azərbaycan məktəb”inin necə “açıldığı” barədə isə Amsterdamdakı Türk Təhsil Fondu Mərkəzinin (Stichting Turks Onderwijs Centrum) rəhbəri İsmayıl öyrətmən danışır.