Maydanda erməni nazirin namizədliyi etirazla qarşılandı

27.02.2014 - 11:55

Maydanda erməni nazirin namizədliyi etirazla qarşılandı

Fevralın 27-də axşam Kiyevin Müstəqillik Meydanında (Maydan Nezalejnosti) yeni Nazirlər Kabinetinin tərkibi əhaliyə təqdim edilib.
APA-nın “Ukrainskaya pravda”ya istinadən verdiyi məlumata görə, daxili işlər naziri vəzifəsinə hazırda nazir səlahiyyətlərini icra edən Arsen Avakovun namizədliyi etirazlara səbəb olub.
Maydanın özünümüdafiə qüvvələrinin rəhbərlərindən olan Vladimir Parasyuk hökumətin tərkibi elan olunduqdan sonra tribunaya çıxaraq ölkədə sabitlik yaranana qədər Maydanın dağılışmayacağını bəyan edib və siyasətçilərə etirazını bildirib: “Mən səhnə arxasında dayanmışdım və onların (siyasətçilərin) buradakı davranışlarına sizlərin reaksiyasını eşidirdim. Bu, əsl klounluq idi. Bəzi insanlar bir neçə gün əvvəl dedilər ki, Maydan dağılışmalıdır. Lakin Maydan dağılmayacaq. Biz nəzarət orqanı olacağıq, qoy onlar bilsinlər ki, bizi satsalar, onların hər birinin yaxasına yapışacağıq ki, bizim uşaqlar – Ukraynanın qəhrəmanları nəyin uğrunda həlak oldular?! Biz hamımız anlayırıq ki, ölkədə qayda-qanun yaratmaq lazımdır, ölkəyə hökumət lazımdır. Lakin baxın görün nə baş verir: yeni hökumətdə ləyaqətli insanlarla yanaşı, o vəzifələrə layiq olmayanlar da var”. 
V.Parasyuk A.Avakovun namizədliyi ilə bağlı bunları söyləyib: “Düzünü deyim ki, mən Avakovun hazırda daxili işlər naziri olduğunu bilmirdim. Mən Ukrayna vətəndaşı olaraq buna yol vermərəm. Vicdanım yol verməz. Bizim qardaşlarımız həlak olub. Avakov ilk gündən bütün cinayətkarları yaxalamalı idi. Mən onun əleyhinəyəm. Siyasətçilərin önündə hələ bir gecə var, qoy düşünüb qərar versinlər. Daxili işlər naziri vəzifəsinə layiq olan bir çox insan var”. 
Daha sonra keçmiş deputat Stepan Xmara söz alıb və A.Avakovun namizədliyini əleyhinə çıxıb. Bundan sonra meydana toplaşanlar “Yarema!” deyə qışqırıblar. Onlar daxili işlər naziri vəzifəsinə “Batkivşina”nın deputatı, keçmiş milis generalı Vitali Yaremanın təyin olunmasını tələb ediblər.
Qeyd edək ki, Arsen Avakov Bakıda doğulub və milliyyətcə ermənidir. Yeni hökumətin tərkibi bu gün Ali Rada tərəfindən təsdiqlənməlidir. 
https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=4637

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Dekabr 2022
BE ÇA Ç CA C Ş B
 1234
567891011
12131415161718
19202122232425
262728293031