Əli İnsanovdan zorla əfv ərizəsi almaq istəyirlər

Sabiq nazirin həbsxanada təhdid edildiyinə dair iddialar var 

Sabiq səhiyyə naziri Əli İnsanovun son məhkəməsindən sonra hakimiyyətlə aralarındakı uçurum daha da dərinləşməyə başlayıb. Politika.az xəbər verir ki, hakimiyyət dairələri keçmiş naziri əfv ərizəsi yazdıqdan sonra azadlığa buraxmağa hazır olduğunu bildirsə də, İnsanov bu şərtlə qəti razılaşmır. 

Mənbə bildirir ki, son məhkəmə prosesindən sonra Qərbin siyasi dairələrinin Azərbaycan iqtidarına təzyiqləri də artıb və rəsmi Bakıdan Əli İnsanovu azadlığa buraxmaq tələb olunur. Azərbaycan tərəfinin israrı isə davam edir və məsələni həll etmək üçün sabiq nazirdən zorla da olsa, əfv ərizəsi almaq istəyir. İddialara görə, İnsanovla həbsxanada görüşən hökumət rəsmilərindən biri hətta onu təhdid etməkdən də çəkinməyib. (politika.az)