Yevlaxda aksiya başladı

Yevlaxda sosial müdafiə fondunun qarşısında izdihamlı etiraz aksiyası başlayıb

Politika.az-ın Yevlax rayonundakı əməkdaşının bu dəqiqələrdə verdiyi xəbərə görə, Yevlax rayon Əhalinin Sosial Müdafiəsi Mərkəzinin qarşısında etiraz aksiyası başlayıb. Rayon əhalisi qurumun fəaliyyətindəki nöqsanlardan cana doyduğundan ayağa qalxıb.

Ötən ay Yevlax rayon Əhalinin Sosial Müdafiəsi Mərkəzinin qarşısında haqsızlığa dözməyərək özünü yandıran əlil Nizami Kərimovun həyat yoldaşı Zülfiyyə Kərimova da etirazçılar arasındadır.

Z.Kərimova əməkdaşımıza bildirib ki, indiyə qədər bu ailə ilə maraqlanan olmayıb, dəfələrlə aidiyyatlı qurumlara müraciət etməsinə baxmayaraq, bütün şikayətləri cavabsız qalıb: “Ərim özünü yandırandan sonra Natiq Məmmədovu işdən çıxarıb ,onun yerinə müavini Zərifə Əsədovanı təyin ediblər. Ancaq bu yerdəyişmə camaatın gözünə kül üfürmək üçün edilib. Çünki Natiq yenə də Zərifəni qabağa verib, öz işini görür”. 

Aksiyaya polis müdaxilə edib. (politika.az)