"Kontakt" hər il dövlətdən milyon manatdan artıq vergi yayındırır

“Kontakt” mağazalar şəbəkəsinin Bakı
şəhərində 42 mağazası fəaliyyət göstərir. Mağazalar şəbəkəsinin
gündəlik dövriyyəsinin 230 min manata yaxın olduğu bildirilir. Satışın
demək olar ki, 90 faizi kredit vasitəsi ilə həyata keçirilir. Kreditlə
satılan malların üstünə isə dəyər qiymətindən 2 dəfə artıq qiymət
qoyulur. Yəni faktiki olaraq “Kontakt” mağazalar şəbəkəsi çəkdiyi xərcin
100 faizi, bəzən daha çox gəlir əldə edir.

Bundan
başqa alıcılarla həyata keçirilən alış veriş barədə kredit müqaviləsi
birbaşa “Kontakt” mağazalar şəbəkəsi ilə bağlanılır ki, bu da mövcud
qanunvericiliyə ziddir. Çünki ölkə qanunvericiliynə görə kreditləri
ancaq banklar və bank olmayan kredit təşkilatları verə bilər. Bu halda
“Kontakt” mağazalar şəbəkəsinin alıcılarla olan müqaviləsi də heç bir
hüquqi status daşımır. Həmçinin  “Kontakt” mağazalar şəbəkəsi kredit
müqaviləlri avadanlıqlara görə dəyişilir. Məsələn telefon kredit
müqaviləsi “ABC-Telekom” MMC ilə bağlanılır.

Alıcılar
hər ay hər ay kredit borclarını adı çəkilən şəbəkənin mağazalarına
ödəyirlər ki, bu da “Kontakt” mağazalar şəbəkəsinə vergidən yayınmaq
üçün tam şərait yaradır. “Kontakt” mağazalar şəbəkəsindəki kassa aparatlarına gündəlik kredit
ödənişləriinin cəmi 15 faizi vurulur, həmçinin vətəndaşlarla bağlanılan
müqavilələrin cəmi 15 faizi rəsmi olaraq  mühasibatlıqda qeydiyyatdan
keçir. Yəni banklardan kənar kredit satışı həyata keçirən şirkət faktiki
olaraq öz satışını dövlətdən gizlətmək üçün heç bir çətinliklə
üzləşmir.

Mənbə bildirir ki, mağazalardan
göndərilən müqavilələr  baş İdarədə qeydiyyatdan keçirilmir vergidən
yayınmağa və gələcəkdə mağazalar şəbəkəsində vergi auditi aparılarsa
gömrük bəyannamələri ilə hər hansı bir fərqin ortaya çıxmamasına görə,
“Kontakt” mağazalar şəbəkəsi son bir ildə satdığı malalrın 80 faizini
Sədərək Toptan Satış Mərkəzindən alır. Malları topdan satış qiymətinə
aldığı üçün bu şirkətin gəlirlərinə elədə təsir etmir. Artıq kredit
monopoliyasını əlinə aldığı üçün satdığı avadanlıqların üstünə
dəyərindən iki dəfə çox qiymət qoyan mağazalar şəbəkəsi əslində heç nə
itirmir, əvəzində isə vergidən yayınmaq üçün bütün imkanları əldə etmiş
olur.

Mənbə həmçinin onu da qeyd edir ki,
“Kontakt” mağazalar şəbəkəsində adı marka, lakin marka şirkətləri ilə
birgə müştərək müəssisə yaradan kiçik firmaların istehsal etdiyi mallar
daha çox satılır. Bu malların maya dəyəri Samsunq,  Borş, Beko və sair
şirkətlərin istehsal etdiyi avadanlıqlardan 4-5 dəfə ucuz olur. 

“Kontakt”
mağazalar şəbəkəsinin rəhbərliyinin hər bir satışdan əldə etdiyi gəlir
 minimum 40-50 faiz olur. Mənbəninin iddasına gölə il ərzində “Kontakt”
mağazalar şəbəkəsin dövriyyəsi 120 milyon manata yaxın olur.  Bu isə o
deməkdir ki,  Kontakt mağazalar şəbəkəsinin bir illik gəliri isə minmum
45-50 milyon manat arasında dəyişir. Ancaq şirkətin gəlir vergisi ilə
bağlı dövlətə verdiyi bəyannamədə bu vəsaitin 15-20 faizi göstərilir ki,
bu yolla “Kontakt” mağazalar şəbəkəsi dövlətdən milyon manatlarla vergi
yayındırır.

Qarşı tərəfin mövqeini dərc etməyə hazırıq…

pia.az