"Azercell"in "2 gün pulsuz danış" fırıldağı

Şirkətin böyük hay-küylə reklamına çevirdiyi kampaniyadan şikayət var

Məlum olduğu kimi,  “Azercell” 5 fevral tarixindən etibarən
şirkətin bütün Fakturasız Xətt (SimSim) abunəçiləri “2 gün pulsuz danış”
kampaniyasına start verib.  Xatırladaq ki, 5 mart 2014-cü il tarixinə
qədər davam edəcək kampaniya çərçivəsində 5 AZN və ya daha yüksək
nominallı SimSim danışıq kartı yükləyən hər bir abunəçi yeddi gündən
2-sini  Azercell ailəsinin digər üzvləri ilə pulsuz danışmaq imkanı
qazanmalıydı. Ona görə “qazanmalıydı” yazırıq ki, əslində bunun növbəyi
fırıldaq olduğu aşkarlanıb. Hər halda kampaniya ilə bağlı Savash.org-a
daxil olan şikayət belə düşünməyə əsas verir.

Belə ki, (051) 920 53 64 nömrəli abonent saytımıza müraciət
edərək “Azercell” tərəfindən aldadıldığını bildirib: “Bu kampaniya
çərçivəsində hər həftənin şənbə və bazar günləri şəbəkədaxili
danışıqlarım pulsuz olmalıydı. Amma danışıq bitdikdən sonra hər dəfə
balansımdan pul çıxılıb. Bu isə o deməkdir ki, “Azercell” vəd etdiyinin
əksinə olaraq müştəriləri aldatmaqla məşğuldur”.

Short URL: http://www.cumhuriyyet.net/?p=4722