"İsmayıllı işi" məhkəməsi təxirə salındı
03.03.2014 - 11:51
“İsmayıllı işi” məhkəməsi təxirə salındı
Bu gün Şəki Apellyasiya Məhkəməsində “İsmayıllı işi” üzrə məhkəmənin növbəti iclası keçirilməliydi. Musavat.com-un əməkdaşının məlumatına görə, hakim məhkəmənin təxirə salındığını elan edib. Hakim Rəşid Hüseynov bunu bəzi vəkillərin prosesə gecikməsi ilə əsaslandırıb. Lakin söhbət o vəkillərdən gedir ki, onlar artıq öz çıxışlarını ediblər və prosesdə iştirakları ciddi önəm daşımır.
Musavat.com-un əməkdaşı dəqiqləşdirib ki, prosesin təxirə salınmasının tamam başqa pərdəarxası səbəbi var. Belə ki, bu gün müttəhimlər son söz deməliydilər. Bu səbəbdən də prosesdə iştirak etmək arzusu ilə Şəkiyə beynəlxalq təşkilatların və xarici ölkə səfirliklərinin çoxlu sayda nümayəndəsi gedib.
Hakim Rəşid Hüseynov məhkəmə iclasının saat 15.00-da keçiriləcəyini bildirib.
(musavat.com)
Short URL: http://www.cumhuriyyet.net/?p=4743
