Rövnəq Abdullayev İngiltərədə "nurçu" məktəbi açıb? – ŞOK İDDİA

“”Nurçu”lar liderlər arasında danışırlar ki,Rövnəq Abdullayevi şakirt yapa bilmişik”

Azərbaycan mətbuatında “nurçu” qalmaqalı davam edir. Azərbaycanın bir çox dövlət strukturlarının , yüksək vəzifəli məmurlarının və millət vəkillərinin də ittiham edildiyi bu qalmaqala daha bir ad əlavə olunub.

Avropa.info-nun  elektron poçtuna  ARDNŞ prezidenti Rövnəq  Abdullayevin  “nurçu”ları dəstəkləməsi haqda sensasion məlumat daxil olub. Məlumatda bildirilir ki, Rövnəq Abdullayev  “nurçu” larla əlaqə saxlamaq və onlara dəstək vermək işini müavini  Xaliq  Mustafayevə tapşırıb. Xaliq Mustafayevin  qatı “nurçu” olduğu və  bu cəryanın liderlərindən sayılan , Xəzər TV-nin rəhbəri  Hüseyn  Dinləməzlə mütəmadi olaraq  təmasda olduğu bildirilir.  

“Xaliq  Mustafayev həftədə ən azı uc dəfə Huseyn Dinləməz və Ahmet Sanıcla görüşür. “Nurçu”ların  Azərbaycanda olan məktəbləri  artıq bütünlüklə Rövnəq Abdullayevin  nəzarətinə  keçib. Hətta  “nurçu” lar  İngiltərədə Xaliq Mustafayevin vasitəçiliyi və Rövnəq Abdullayevin maliyyə yardımı ilə yeni məktəb açıblar. İngiltərədəki Təhsil  Mərkəzi  vasitəsi ilə bu ölkənin  unversitetlərində oxuyan  azərbaycanlı məmur balaları  “nurçu” luğa  cəlb edilirlər.”

Rövnəq Abdullayevin  oğlunun  da  “nurçu”lara məxsus olduğu bildirilən, “Çağ Öyrətim” Lİtseyində təhsil aldığını bildirən məktub müəllifi,  Azərbaycanda olan birbaşa ARDNŞ prezidentinə zəng etdiklərini qeyd edir.

“”Nurçu”lar liderlər arasında danışırlar ki, Rövnəq Abdullayevi şakirt yapa bilmişik (Nurçuluqda ilk Nurçuluğa cəlb olunana şakirt deyirlər)”.

(avropa.info)