Dünyada yaşanacaq növbəti təlatümlər Azərbaycanı da bürüyəcək

Mançester Universitetinin araşdırmalarına görə, sosial şəbəkələrdəki aktivlik növbəti inqilabın məkanını göstərir  

“BBC” kanalı dünyada baş verən son demokratik dəyişikliklərlə bağlı maraqlı araşdırma aparıb. Mançester Universitetinin araşdırmalarına görə, sosial şəbəkələrdəki aktivlik növbəti demokratik inqilabın harada olacağını açıq şəkildə göstərir. 

Universitet məhz internet məkanındakı fəallığı inqilaba namizəd ölkənin müəyyənləşməsində bir indekator kimi qəbul edir. Bu baxımdan Argentina, Gürcüstan, Filippin və Braziliya növbəti təlatümlər ola biləcək ölkələr kimi götürülür. İnqilab indeksi ötən il işələnib hazırlanıb. Aparılan ilk araşdırmalar Ukraynanı bu il inqilabi dəyişikliklər ola biləcək ölkə kimi göstərmişdi. Inqilab indeksini professor Riçard Heeks işləyib. Bu sistem narazı kütlənin idarəçilik rejimləri üçün nə dərəcədə təhlükəli olduğuna dair fərqli baxış bucağını ortaya qoyur. Burada əsas element kimi ictimai nümayişlər yox, virtual dünyadakı aktivlik nəzərə alınır. Eyni zamanda həmin idarəçilik sistemlərində internet azadlığına qoyulan məhdudiyyətlərə də proqnoz zamanı diqqət yetirilir: “Inqilabi dəyişikliklər, siyasi təlatümlər siyahısına 2013-cü ildə Ukrayna başçılıq edirdi. Daha sonra siyahıda Argentina, Gürcütan, Flippin və Braziliya gəlir. Siyahıda o cümlədən ciddi dəyişikliklər baş verə biləcək ölkələr sırasında Keniya, Nigeriya və Azərbaycan var. Siyahının ən sonunda isə İran, Kuba və Çin qərarlaşıb. Belə bir indeksin hazırlanması “ərəb baharı”ndan sonraya təsadüf edir. Belə ki ekspertlər ərəb dünyasındakı dəyişikliklərin məhz “facebook” və digər sosial şəbəkələrdəki aktivlikdən başladığını vurğulayırlar”.