Qazaxda icra hakimiyyətinin sirk əməliyyatı
Rayon sakinlərindən
hədə qorxu yolu ilə pul toplanır
Azərbaycan
dövlət sirki Qazax şəhərinə qastrol səfərinə gəlib. Sirkin bileti 6 manatdır. Bu
da iqtisadi vəziyyəti bərbad olan Qazax əhalisi üçün böyük məbləğdir. Əksər
yerli sakinlər sirkə baxmaq istəmir. Ona görədə sirk rəhbərliyi Qazax rayon
icra hakimiyyəti ilə danışıb onlara kömək etməyi xahiş edib. Əldə etdiyimiz məlumata
görə Qazax rayon İcra Hakimiyyətindən rayon təhsil şöbəsinə, təhsil şöbəsindən
isə məktəb direktorlarına tapşırılıb ki, hər uşaqdan istər valideyni imkanlı,
istərsə də imkansız olsun sirk üçün pul toplansın.
Məlumata
görə pul vermək istəməyən valideynlər uşaqlarının məktəb rəhbərliyi tərəfindən
hədələnib məktəbdən qovulmaqla qorxdulur. Bununla bağlı cumhuriyyet.az-ı bilgiləndirən
mənbənin sözlərinə görə sirk üçün pulyığılma prosesinə Qazax rayon icra
hakimiyyəti başçısının humanitar məsələlər üzrə xanım müavini rəhbərlik edir. Adətən
belə tədbirlər sadə insanların cibindən yox, dövlət büdcəsindən və müvafiq
qurumlar tərəfindən maliyələşməlidir. İndi yerli sakinləri bir sual düşündürür;
görəsən Qazax rayon İcra Hakimiyyətinin başçısı Ayaz Əsgərov niyə belə edir? Onun sadə- kasıb insalardan sirk üçün zorla
pul toplamasının arxasında nə dayanır? Xüsusilə Bakı şəhərində sirk biletlərinin
5 manat olduğu halda Qazaxda bunu 6 manat müəyyənləşdirilməsi sual doğurur.
Short URL: http://www.cumhuriyyet.net/?p=4921
