Türkiyə Hippokrat andına qarşı çıxdı
10.03.2014 - 13:28
Türkiyə Hippokrat andına qarşı çıxdı
Türkiyə sanksiyalaşdırılmamış tibbi yardım haqqında qanun qəbul edib.Qanuna uyğun olaraq sanksiyalaşdırılmamış tibbi yardımın göstərilməsinə görə 1 ildən 3 ilə qədər azadlıqdan məhrum etmə və 1 milyon dollar həcmində cərimə nəzərdə tutulur.
Xəbərə görə, yalnız təcili yardım və tibbi idarələrin çərçivəsində göstərilən tibbi yardım qanuni sayılır.
Virtualaz.org oxu.az-a istinadən bildirir ki, bu yenilik Hippokrat andına zidd olduğu üçün təkcə Türkiyədə deyil, onun sərhədlərindən kənarda da əks-səda doğurub.
BMT və dünyanın aparıcı tibbi təşkilatları Türkiyə prezidenti Abdullah Gülə müraciətnamə yollayıblar, o isə öz növbəsində bu müraciətnaməni diqqətsiz qoyub.
“Qanun Gəzi parkının sökülməsi zamanı baş verənlərin fonunda yaranıb, bu qanun gələcəkdə həkimlərə nümayişə çıxanlara yardım etməyə mane olmaq üçündür”, – “Həkimlər İnsan Hüquqları Uğrunda” təşkilatının baş həkimi deyib.
Türkiyə Həkimləri Assosiasiyası baş katibi də bəyan edib ki, yeni qanun tibbi etikaya ziddir və humanitar dəyərləri və haqları pozur.
O qeyd edib ki, həkimlər istənilən halda insanları müalicə etməlidirlər.
Short URL: http://www.cumhuriyyet.net/?p=4968
