Fətullah Gülən "Financial Times"da Türkiyədən yazdı

Fətullah Gülən İngiltərənin “Financial Times” qəzeti üçün məqalə yazıb.

Avropa.info-nun Türkiyə mətbuatına istinadən məlumatına görə, Gülən məqalədə Türkiyənin göründüyü kimi olmadığını iddia edib.

Onun fikirlərinə görə, Türkiyə inanclı bir müsəlmanın idarə etdiyi uğurlu və demokratik ölkə kimi görünsə də həqiqət fərqlidir. Fətullah Gülən hökumətin idarə heyətindən bir qrupun ölkənin inkişafını girov götürdüyünü qeyd edib. On ildə qazanılan uğurlara son dövrdə zərbə vurulduğunu söyləyən Gülən AKP hökumətinin xalq və beynəlxalq aləmin etimadını qazanmaq üçün tək şansı qaldığını deyib. Onun fikrincə bu yol insan haxlarının bərpası, qanunun aliliyininə olan etibarın qazanılmasıdır. Və bunun üçün yeni demokratik və sivil konstitusiya hazırlanmalıdır. 

F.Gülən qeyd edib ki, din və siyasət qarışsa hər ikisi bərbad vəziyyətə düşər, xüsusiylə də din. Heç vaxt heç bir partiyanı dəstəkləmədiyini qeyd edən Gülən gələcəkdə də dəstəkləməyəcəyini bəyan edib.