Komitə sədri ərəblərdən 500 mini niyə alıb?

Həmin pulun Elşad İsgəndərovun vəhhabilərin rəhbəri Əlixan Musayevi ekspert elan etməsinə görə veriləcəyi deyilir 

Dini Qurumlarla İş üzrə Dövlət Komitəsinin sədri Elşad İsgəndərovun bu yaxınlarda vəhhabilərlə bağlı olan təşkilatın rəhbəri il görüqşdüyü və onlardan maliyyə yardımı istədiyinə dair məlumat yayılıb. Politika.az-a bununla bağlı yazan Kərim Cəfərov adlı şəxs bildirib ki, o, İslam Konfransı Təşkilatının sədri ilə görüşdə DQİDK-in fəaliyyətini genişləndirmək məqsədi ilə 500 min dollar yardım istəyib. 

Məlumatda vurğulanır ki, bu pulun konkret olaraq nə üçün istənildiyi müəmmalıdır. Mənbə deyir ki, həmin pul mümkündür ki, yardım adı altında alınsa da, əslində hədiyyə olaraq veriləcək. Çünki Elşad İsgəndərov bu yaxınlarda vəhhabilərin əsas rəhbərlərindən olan Əlixan Musayevi özünün eksperti kimi təqdim edib. 

Suriyaya azərbaycanlıları döyüşməyə göndərdiyi iddia edilən Musayevin DQİDK-də ekspert kimi qəbul edilməsi vəhhabilərin şübhəsiz işinə yarayır. Elə buna görə də, İKT-nin İsgəndərova 500 min dollar hədiyyə edə biləcəyi inandırıcıdır. 

Qarşı tərəfin də mövqeyini dərc etməyə hazırıq.