Ukrayna ordusu rus desantlarının qaşısını alır
16.03.2014 - 00:39
Hadisə Krım yaxınlığında, Arbatskaya strela adlanan yarımadada baş verib
Ukrayna ordusu Xerson vilayəti ərazisinə Rusiya silahlı qüvvələrinin desant çıxarmasının qarşısını alıb. Bu haqda xəbər verən Ukrayna rəsmiləri iddia edirlər ki, hadisə Krım yaxınlığında, Arbatskaya strela adlanan yarımadada baş verib. 70-ə yaxın Rusiya desantçısı Ukraynanın Xerson vilayətinin Qeniçenskiy rayonunda yerləşən və “Çernomornefteqaz” şirkətinin yanar qaz ötürücüsü stansiyasını ələ keçirməyə cəhd göstərib. Ukrayna müdafiə nazirliyi xəbər verir ki, Ukrayna silahlı qüvvələri dərhal Rusiya desantının qarşısını alıb, bu zaman aviasiya, desant və quru qoşunlarından istifadə olunub.
Hərbi-siyasi tədqiqatlar mərkəzinin rəhbəri Dmitiriy Tymchuk bildirir ki, geri çəkilən Rusiya hərbçiləri hələ də Xerson vilayəti ərazisində, separatçılarla Ukrayna rəsmi hökumətini ayıran sərhəd xəttin Ukrayna tərəfindədirlər.Ukrayna Xarici işlər nazirliyi insidentlər bağlı Rusiyaya kəskin nota verərək bildirib ki, Rusiyanın öz ərazisinə müdaxiləsinin qarşısını almaq üçün Ukrayna bütün vasitələrdən istifadə etmək hüququnu özündə saxlayır.
Short URL: http://www.cumhuriyyet.net/?p=5112
