ABŞ kəşfiyyatı azərbaycanlılarla bağlı səhvini düzəltdi
ABŞ Mərkəzi Kəşfiyyat İdarəsi (CİA) Güney Azərbaycanda yaşayan azərbaycanlılarla bağlı səhvini düzəldib.
Publika.az xəbər verir ki, CİA-nın rəsmi saytında ötən həftəyə qədər güney azərbaycanlılarının sayı İran əhalisinin 16 faizini təşkil etdiyi göstərilirdi. Lakin saytda edilən son düzəlişdə azərbaycanlıların sayı 40 faiz olaraq göstərilib.
“Araznews” saytının rəhbərliyinin yaydığı məlumata görə, CİA-nın bu düzəlişi etməsinə səbəb güneyli soydaşlarımızın çoxsaylı müraciətləri olub.
Qeyd edək ki, rəsmi Tehran İran daxilində yaşayan digər xalqların sayı, ümumiyyətlə, onlar haqda hansısa informasiyaların toplanmasına icazə vermir. Buna görə də indiyə qədər Güney Azərbaycanda yaşayan soydaşlarımızın sayı təxmini olaraq göstərilməkdədir. Soydaşlarımız haqda aparılan çoxsaylı araşdırmalarda onların sayı İran əhalisinin 16, yaxud 40 faiz olduğu göstərilirdi. CİA da indiyə qədər ən aşağı göstəricini təqdim edirdi.
Short URL: http://www.cumhuriyyet.net/?p=51245