Metronun “Neftçilər” stansiyasında köşkləri yığışdırılan satıcılar hazırda “Bakı Metropoliteni” QSC-nin binası qarşısında aksiya keçirirlər.

Onlar metropolitenin rəisi Zaur Hüseynovla görüşməyi tələb edirlər.

Virtualaz.org saytının hadisə yerində olan əməkdaşı xəbər verir ki, təxminən 50-60 satıcı Z.Hüseynovla görüşmədən ərazini tərk etməyəcəklərini deyir. Şikayətçilər köşkləri üçün ödədikləri vergi rusumunun geri qaytarılmasını tələb edirlər.

Satıcıların sözlərinə görə, digər stansiyalarda alver edənlərin vergi ödənişi geri qaytarılıb. 

Ərazidə çoxlu sayda polis əməkdaşı var.

Əməkdaşımız xəbər verir ki, satıcıların nümayəndələri ilə görüşən rəhbərlik onlara köçəklik edə bilməyəcəklərini deyib. Satıcılara bildiriblər ki, pullarının mənimsənilməsi ilə bağlı rayon prokurorluğuna müraciət etməlidirlər. Satıcılar isə metropoliten adından onlardan pul toplayan Elşən adlı şəxslə əlaqə saxladılar. Elşən isə pulların geri qaytarılması üçün bir neçə gün vaxt istədi. Şikayətçilər bildirdilər ki, digər stansiyalarda köşkləri sökülənlərə 1500 manat geri ödənilib.