Samir Şərifov: “Qlobal iqtisadi böhranının yeni dalğası ilə üzləşirik”

27.01.2016 - 13:38

samir-serifov5“Artıq biz dünyada qlobal iqtisadi böhranının yeni dalğası ilə üzləşirik”. APA-nın məlumatına görə, bu barədə maliyyə naziri Samir Şərifov deyib.

Nazirin sözlərinə görə, dünyada baş verən hadisələr, əsasən də qlobal iqtisadiyyatda baş verənlər onu göstərir ki, bu dalğanın mənfi təsirləri əvvəlki illərdən də ağır ola bilər: “Bildiyiniz kimi, həmin böhranın birinci dalğası 2008-2009-cu illərə təsadüf edib. O zaman neftin qiyməti təxminən 140 dollardan təxminən 47-50 dollara qədər enmişdi. Amma bu eniş qısa müddət ərzində baş verdi və çox da uzun çəkmədi.

Azərbaycan həmin sınaqdan çox az itkilərlə çıxmışdı və bunun bizim iqtisadiyyata mənfi təsirləri böyük olmamışdı. 2014-cü ilin sonlarında dünyanın enerji bazarlarında, əsasən də neft bazarlarında baş verən eniş artıq uzun müddətdir davam edir və neftin qiyməti əvvəllər heç ağla sığmayan səviyyəyə – 30 dollardan aşağı həddə enib. Bu, heç şübhəsiz ki, Azərbaycan dövlətinin gəlirlərinə də mənfi təsir göstərir.

Belə ki, ilk növbədə, valyuta gəlirlərimiz azalır. Tədiyyə balansı bizim xaricdən gələn vəsaitlə xaricə ödənilən vəsaitin saldosudur. Tədiyyə balansı bizdə həmişə müsbət olub. Yəni, Azərbaycana daha çox valyuta daxil olurdu, nəinki ölkədən çıxırdı. Hazırda, əfsuslar olsun ki, vəziyyət mənfiyə doğru dəyişməyə başlayıb. Bu da təbiidir. Çünki, valyuta daxilolmaları 4 dəfə azalıb. Amma bizim idxalla bağlı tələbatımız öz yerindədir”.

Short URL: http://www.cumhuriyyet.net/?p=51673

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728