Türkiyədə Twitterin yasaqlanmasının səbəbləri bəlli oldu

“Bu hallar aradan qaldırılacağı təqdirdə yasaqlanmaya son beriləcək”

Türkiyədə Twitter  yasaqlanıb.

Avropa.info xəbər verir ki, Nazirlər Kabinetindən yayılan açıqlamada Telekomunikasiya başqanlığının 5651 saylı qanunun tələblərinə görə, bu addımın atıldığı bildirilir. Açıqlamada  bildirilir ki, vətəndaşların şikayətləri ilə  Twitterdə insan haqlarının və özəl həyata müdaxilə halları ilə bağlı dəfələrlə Türkiyə məhkəmələrinə müraciət olunub.

“Məhkəmələrin çıxardığı qərarlar  Telekomunikasiya   başqanlığna göndərilmiş, başqanlıq isə öz növbəsində  Twitterdən bu kimi halların aradan qaldırılmasını və məhkəmələrin çıxardığı qərarlara uyğun olaraq, yayılan materialların sosial şəbəkədən çıxarılmasını istəmişdir. Lakin  Twitter bu qərarlara  məhəl qoymamış və məhkəmələrin qərarlarını tanımamışdır. Bu səbəbdən də  vətəndaşlarımızın  hüquqlarını təmin etmək üçün  Twitterin  yasaqlanması  qərara alınıb.”

Açıqlamada  Twitterin məhkəmə qərarlarını tanıyacağı halda  yasaqlanmaya son veriləcəyi bildirilib.