"O,insanların yataq otaqlarını izlətdirir" – Ərdoğandan şok ittiham

Türkiyənin baş naziri Rəcəb Tayyib Ərdoğan yenidən “nurçu”ların lderi Fətullah Güləni  sərt şəkildə ittiham edib.

Avropa.info xəbər verir ki, AKP-nin Bursada düzənlənən mitinqində çıxış edən Ərdoğan  Fətullah Güləni  xaricilərin köməyi ilə Türkiyəni qarışdırmaq istəyində suçlayıb.

“Pensilvaniyada inzivaya çəkildiyini deyib, oradakı malikanəsindən Tükiyəni qarışdırmağa çalışanlara millət etiraz edir. Niyə öz ölkəndə inzivaya çəkilmədin? Sakariyada, Bursada inzivaya çəkilə bilməzdinmi?  Məkkədə, Mədinədə inzivaya çəkilə bilməzdinmi? Niyə oralar deyil, Pensilvaniya? Bu necə inziva? İnzivaya çəkildim deyir, holdinq idarə edir. Şirkət yönəldir, milyonlarla dollar yönəldir. İnzivadayam deyir,  Türkiyədə telefon danışıqlarını izlədir, hətta insanların yataq otaqlarını izlətdirir.”