Amerikalı həmsədr: "Konflikt "Dağlıq Qarabağ"la Azərbaycan arasındadır"

Amerikalı həmsədr: “Konflikt “Dağlıq Qarabağ”la Azərbaycan arasındadır” Həmsədrlər Azərbaycan və Ermənistanın xarici işlər nazirləri – Elmar Məmmədyarov Edvard Nalbandyanla görüşüblər.   “Axar.az” xəbər verir ki, bu barədə ATƏT-in Minsk qrupunun amerikalı həmsədri Ceyms Uorlik öz “Tvitter” səhifəsində yazıb.   O, görüş haqqında təəsüratlarını bölüşüb. “Azərbaycan və Ermənistanın xarici işlər nazirləri ilə pozitiv görüş keçirildi. Birlikdə işləyirik, uzunmüddətli sülh mümkündür”.   Erməni mətbuatı isə Ceyms Uorlikin Tvitterdəki başqa cümləsinə diqqət ayırıb. Onlar Qarabağ konfliktində artıq ABŞ-ın öz mövqeyini tam ortaya qoyduğunu yazıblar. Ceyms Uorlikin konflikt “Dağlıq Qarabağ”la Azərbaycanın arasındadır deməsi ölkə mətbuatının gündəmində əsas hadisəyə çevrilib.     Qeyd edək ki, Ermənistan prezidenti Serj Sarkisyan da artıq Niderlandda ATƏT-in Minsk qrupunun həmsədrləri Ceyms Uorlik (ABŞ), Jak For (Fransa), İqor Popov (Rusiya) və ATƏT-in fəaliyyətdə olan sədrinin şəxsi nümayəndəsi Anjey Kaspşiklə (Polşa) görüşüb. 

Short URL: http://www.cumhuriyyet.net/?p=5321