“Xəzər Lənkəran”ın oyunçusu “Qarabağ”dan “Spartak”a görə imtina edibmiş
“Xəzər Lənkəran”da maaşları verilmədiyinə görə ötən ay məşqlərdə iştirak etməyən və buna görə klub tərəfindən transferə çıxarılan Elnur Cəfərovun “Qarabağ”dan son anda imtinasının səbəblərinə aydınlıq gəlib.
Qaynar.info xəbər verir ki, Cəfərov Serbiyanın “Spartak” klubundan təklif alıb. Hazırda hər 2 klub arasında bu keçid üçün danışıqlar gedir.
Qeyd edək ki, Subotitsa şəhərini təmsil edən “Spartak”ı ötən ildən rusiyalı baş məşqçi Andrey Çernışov çalışdırır. Bu komandada MDB məkanından qazaxıstanlı Maksim Fedin də var. Onu da bildirək ki, “Spartak” hazırda Serbiya Superliqasında sonuncu pillədə qərarlaşıb. Bu komandanın aktivindən UEFA 2 xal sildirtdirib.
Short URL: http://www.cumhuriyyet.net/?p=53388