"Azərsu"-da işçilərə "arayiş qadağası" tətbiq olundu
Qorxmaz Hüseynov işçilərin banklardan kredit
götürməsi üçün iş yerindən arayış verilməsinə qadağa qoyub
Qorxmaz Hüseynov işçilərin banklardan kredit
götürməsi üçün iş yerindən arayış verilməsinə qadağa qoyub
Adı
hər zaman qalmaqallarda hallandırılan “Azərsu” ASC ilə bağlı olduqca maraqlı
informasiya əldə etmişik. Adının açıqlanmasını istəməyən “Azərsu” ASC-nin
əməkdaşı qəzetimizə bildirib ki, qurumun sədri Qorxmaz Hüseynov işçilərlə bağlı
qəribə qadağa tətbiq edib: “Həmin qadağanın mahiyyəti ondan ibarətdir ki,
banklardan kredit götürmək üçün tələb olunan iş yerindən arayışların verilməsi
dayandırılıb. Bu isə birbaşa “Azərsu” ASC-nin rəhbəri Qorxmaz Hüseynovun şifahi
göstərişindən sonra reallaşıb”.
“Arayış
qadağası”nın tətbiq olunma səbəblərinə gəlincə isə mənbəmiz bunu bəzi “Azərsu”
əməkdaşlarının götürdükləri kreditləri vaxtlı-vaxtında ödəyə bilməməsi və
bununla bağlı həmin bankların “Azərsu” rəhbərliyinə çoxsaylı müraciətlərlə
əlaqəli olduğunu bildirir: “Qorxmaz Hüseynov isə “çıxış yolu”nu arayışların
verilməsinə qadağa qoymaqda görüb. Amma bu işçilər arasında ciddi narazılıq
yaradıb”. Qeyd edək ki, belə bir qadağanın tətbiqi mövcud qanunvericiliyə
tamamilə ziddir.
Səslənən
fikirlərlə bağlı “Azərsu” ASC-nin mətbuat xidməti ilə əlaqə yaratmağa cəhd
göstərsək də bu mümkün olmadı. Qarşı tərəfin də mövqeyini dərc etməyə hazırıq.
Fariz
Short URL: http://www.cumhuriyyet.net/?p=5389
