Somali qaçqınları Londonda milyoner kimi yaşayırlar – FOTO
İngiltərəyə 2008-ci ildə gələn, gəldikləri gündən heç bir yerdə işləməyən Somali qaçqınları ailəsi 2 milyon dəyəri olan malikanədə yaşayırlar və ayda bir neçə min funt vəsait alırlar.
Oxu.Az Rusiya KİV-nə istinadən xəbər verir ki, İngiltərədə qaçqınlara maddi yardım ətrafında qalmaqal yaranıb.
Səbəb isə Səid Xəlifənin ailəsi olub. Bu ailə 2008-ci ildə İngiltərədə qaçqın statusu alıb. O gündən bəri də ailə üzvlərindən heç kim işləmir, bələdiyyə onlara yaşayış yeri və aylıq vəsait ayırıb. Görəsən, İngiltərə ictimaiyyətini qəzəbləndirən nədir? Axı bu və ya digər vəsaiti qaçqın kimi qeydiyyatdan keçən hər kəs alır.
İş yardımın həcmindədir. Məlum olub ki, ilkin olaraq 2008-ci ildə Somali ailəsini Londonun şimali-qərbində Qərbi Hempsteddə 6 yataq otağı olan 2 milyon funtluq malikanədə yerləşdiriblər. Bütün kommunal xərcləri bələdiyyə ödəyir, bundan başqa ailə min funt yardım alır.
Short URL: http://www.cumhuriyyet.net/?p=54720
