Eldar Əzizovun "yaşıl soyqırımı"na etiraz
İcra başçısı “Cumhuriyyət” parkının ərazisini
satıb
Sumqayıt
şəhərindəki 10-cu və 13-cü mikrorayonların sakinləri şəhərdəki “torpaq satışı”na
etiraz edir. Bu barədə 10-cu mikrorayon, Babək küçəsinin sakinləri məlumat
veriblər. Sakinlər bildirir ki, yolu dağıdaraq ərazidə çoxmərtəbəli binalar
tikirlər.
Lakin
söküntü-tikinti işləri adətən gecə saatlarında gizli şəkildə aparılır: “Səhər
yolun bir az da dağıdıldığının şahidi oluruq. Əvvəllər bu ünvanda 10 hektar
sahədə “Cümhuriyyət parkı” yerləşirdi. Parkın ərazisi də bir-iki gecənin içində
satılaraq dağıdıldı. Məsələ ilə bağlı Sumqayır Şəhər İcra Hakimiyyətinə, icra
başçısı Eldar Əzizova dəfələrlə müraciət etmişik. Lakin buna heç bir reaksiya
verilmir”.
Şikayətçilər
qeyd etdilər ki, yolun sökülərək iş adamlarına verilməsi icra hakimiyyətinin
icazəsi olmadan mümkün deyil. Buna görə də şikayətlərə reaksiya verilməyənə
qədər aksiyalara davam edəcəklər. Qeyd edək ki, həmin yoldan gün ərzində 5 min
sakin istifadə edir.
Short URL: http://www.cumhuriyyet.net/?p=5498
