Rusiya prezidenti Vladimir Putinin keçmiş həyat yoldaşı Lyudmila Putina üzərində Ukraynanın dövlət bayrağının rəngləri olan parçadan geyindiyi kostyumla diqqət mərkəzinə gəlib və onun şəkli  dünən internetdə demək olar, rekord həddə izlənib.

Müşahidəçilərin fikrincə, bu, keçmiş birinci ledinin 30 il bir yerdə yaşadığı ərinə açıq etirazının göstəricisidir.

Göy-sarı rənglərində geyimi keçmiş birinci xanımın nə zaman və hara geyindiyi isə açıqlanmır. 

Qeyd edək ki, Vladimir və Lüdmila Putina ayrılmaları ilə bağlı açıqlamanı ötən ilin iyun ayında veriblər. Ötən gün isə onların rəsmən boşandığı açıqlanıb. Belə ki, Kremlin saytında Vladimir Putinin bioqrafiyasından Lüdmila Putina haqqında olan hissə çıxarılıb. Adıçəkilən saytda ancaq dövlət başçısının qızları haqqında məlumat var. 

Cütlük 30 il ailə həyatı yaşayıblar.