Qubanın 3 kəndinin bağları buldozerlərlə kürünür.

 “Bizim Yol” qəzetinin yazdığına görə, bu, rayonda aeroportun tikilməsi ilə bağlıdır: “Yeni tikilən hava limanı Qubanın çaykənarı və bağ sahələrinin 600 hektardan çox ərazisini əhatə edəcək. Hava limanı Davudoba, Hacıqayıb, Ərməkiqışlaq kəndlərinin ərazisinə düşür. Sakinlər onların icazəsi olmadan torpaqlarına soxularaq tikinti aparılmasına qarşıdır. Deyirlər ki, öncə izn istəsinlər, normal kompensasiya versinlər, sonra nə istəyirlər tiksinlər. Quba Rayon İcra Hakimiyyətinin nümayəndələri kəndə gələrək sakinlərlə görüşüblər. Onlar plana düşən ərazilərin müqabilində sakinlərə pul təklif ediblər: boş ərazilərin sotuna 80, bağ sahələrinin sotuna isə 150 manat. Ancaq sakinlər 20 il ərzində saldıqları bağ sahələrinin sotuna ödənəcək olan 150 manatla razı deyillər. Deyirlər ki, bağdan ildə 15000 manat götürürlər”.