Qadınlara güllə atan deputat oğlu şirkət rəhbəri imiş

Ayaz Orucovun oğlu “İndesit”in sahibidir

Bir müddət əvvəl deputat Ayaz Orucovun oğlu ilə bağlı qalmaqallı məsələ ortaya çıxmışdı. Həmin məlumatlarda deyilirdi ki, deputatın oğlu yolda onunla paralel avtomobil sürən iki qadının maşınına güllə atıb. Həmin məlumatlarda vurğulanırdı ki, sözügedən şəxs polis tərəfindən saxlanılsa da, sonradan buraxılıb. 

Deputatın oğlu heç də kiçik şəxs sayılmır. Belə ki, onun əmisi ilə birlikdə (təbii ki, deputat atasının yardımı əsasında-red.) bir neçə iri şirkətləri var. Həmin şirkətlər sırasında ən məşhuru isə “İndesit”dir. Məişət texnikası və mebel avadanlıqlarının satışı ilə məşğul olan “İndesit” şirkətinin illik dövriyyəsi ilə milyonlarla manatlarla ölçülür. 

Məlumatlarda o da deyilir ki, bu şirkətin böyüməsi və varlanmasının əsas səbəbi Ayaz Orucov “Qaçqınkom”da işlətdiyi vaxt məcburi köçkünlər üçün tikilən mənzillərin təhciz edilməsi olub. Belə ki, elan edilmiş tenderlərin böyük əksəriyyətinin qalibləri deputata yaxın olublar və onlar da zəruri avadanlıqların alınmasını “İndesit” vasitəsi ilə həyata keçiriblər. (jam.az)