TQDK iki ali təhsil ocağının fətvasını verib
07.04.2014 - 16:47
TQDK iki ali təhsil ocağının fətvasını verib
Məlum olduğu kimi, artıq Tələbə Qəbulu üzrə Dövlət Komissiyası (TQDK) 2014-2015-ci tədris ili üçün ali məktəblərə tələbə qəbulunu elan edib. Bununla bağlı DİA.AZ-a maraqlı bir informasiya daxil olub.Təhsil nazirliyindəki bilgili mənbənin verdiyi xəbərdə qeyd olunur ki, bu tədris ili üçün iki özəl ali təhsil ocağına tələbə qəbulu dayandarılıb.
Məlumata görə, onlardan biri deputat Əhməd Vəliyevin rəhbərlik etdiyi Odlar Yurdu Universiteti, digər isə adı son günlərdə qalmaqallı olaylarda hallanan və nurçulardan Dövlət Neft Şirkəti tərəfindən satın alınmış Qafqaz Universitetidir.
Məlumatı verən mənbə iddia edir ki, hələlik TQDK tərəfindən verilmiş bu qərara təhsil nazirliyindən qəti münasibət bildirilməyib: “Təbii ki, burada siyasi iradə də mühüm rol oynayır. Amma faktiki olaraq adları çəkilən universitetlərə tələbə qəbulu dayandırılıb. Bu isə onların bağlanmasına yaxın bir qərardır”.
Short URL: http://www.cumhuriyyet.net/?p=5704
