Ərdoğan Əliyevə iki dəfə siyahı təqdim edib

10.04.2014 - 09:57

Türkiyənin baş naziri Bakıda Rövnəq Abdullayevlə niyə görüşüb?

Türkiyənin baş naziri Bakıda Rövnəq Abdullayevlə niyə görüşüb?

Türkiyənin baş naziri Rəcəb Tayyip Ərdoğanın Azərbaycana səfəri zamanı ölkə başçısı Ilham Əliyevə nurçularla bağlı siyahı təqdim etməsi barədə xəbərlər təsdiqlənir. Bu məlumatı hakimiyyətin nəzarətində olan media quruluşları yaymışdı.
Ərdoğan özü xəbəri nə təsdiq, nə də təkzib edib. Azərbaycan tərəfinə gəlincə, Prezident Administrasiyası rəhbərinin müavini, xarici əlaqələr şöbəsinin müdiri Novruz Məmmədov siyahı barədə deyilənlərin həqiqətəuyğun olmadığını iddia edib.
Lakin Türkiyənin “Tərəf” qəzeti bu iddiaları təsdiqləyən məlumatlar yayıb. Qəzet yazır ki, Ərdoğan Ilham Əliyevə bir yox, iki siyahı təqdim edib. Türkiyənin baş naziri birinci siyahını Azərbaycanın dövlət başçısına Soçidə qış olimpia oyunlarının açılış mərasimində verib. Həmin siyahı ilə bağlı sonra Azərbaycanın xüsusi xidmət orqanları araşdırmalara başlayıb. Bakıya səfəri zamanı isə Ərdoğan Ilham Əliyevə ikinci siyahını təqdim edib. 
Ərdoğanın səfərilə bağlı bir ilginc məqam da onun Azərbaycan Dövlət Neft Şirkətinin prezidenti Rövnəq Abdullayevlə xüsusi olaraq görüşməsidir. Bu xəbəri də “Tərəf” qəzeti yayıb. Bildirilir ki, Ərdoğanın Rövnəq Abdullayevlə görüşü də nurçularla, daha dəqiq nurçulara bağlı olan təhsil ocaqlarının SOCAR-ın nəzarətinə keçməsilə bağlı olub. 
Belə bir görüş olubsa, bunun Azərbaycan ictimaiyyətindən gizlədilməsi maraq doğurur.
Qeyd edək ki, nurçulara bağlı olan məmurlar sırasında Rövnəq Abdullayevin də adı hallandırılır.

Short URL: http://www.cumhuriyyet.net/?p=5818

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728