Ermənistanda Serj Sarkisyan dövrü sona çatır

Ermənistan prezidenti Serj Sərkisyan yenidən ölkəyə rəhbərlik etmək fikrində olmadığını bildirib. 

Musavat.com-un erməni mətbuatına istinadən verdiyi məlumata görə, konstitusiya islahatları üzrə komissiyanın üzvləri ilə görüşdə Sərkisyan deyib: “Rəsmən bəyan edirəm ki, mən – Serj Sərkisyan Ermənistan prezidenti postuna bir daha heç vaxt namizədliyimi irəli sürməyəcəyəm. Və əgər müzakirələrdən sonra parlament tipli idarəçiliyə keçid qərarı verilsə, baş nazir vəzifəsinə də iddialı olmayacağam”. 

Onun sözlərinə görə, Ermənistanda bir nəfər iki müddətdən artıq ölkəni idarə edə bilməz.