İcra başçısı rayon sakinini döyməklə hədələdi

11.04.2014 - 14:38

İcra başçısı rayon sakinini döyməklə hədələdi 

Seyid cəddinə arxayın olan kimi, arxasında dayanan qüvvələrə güvənən Saatlının icra başçısı Siraqəddin Cabbarov barəsində, onun əməlləri ilə bağlı mətbuatda kifayət qədər informasiyalar verilib. Elə keçən günlərdə də icra başçısının rayonu Rusiyada yaşayan iş adamlarından birinə peşkəş etməsini xəbər vermişdik. 
Bildirək ki, təxminən 4 il əvvəl icra başçısının adam döyməsi xəbəri də yayılmışdı. Hadisə o zaman icra hakimiyyətinin binası qarşısında baş vermişdi. Rayonun Dəlilər kəndindən olan sakinləri şikayət üçün gəldikləri icra hakimiyyətinin binası qarşısında şəxsən Siraqəddin Cabbarov tərəfindən şil-küt edilmişdilər. Hətta həmin zaman 4 kənd sakini həbs edilmişdi. 
DİA.AZ-a daxil olan son məlumatlardan isə aydın olur ki, Siraqəddin Cabbarov deyəsən, özünə çox güvəndiyindən yenə də qolunun gücünü sınamaq fikrinə düşüb. Bu barədə məlumatı verən Saatlıdakı mənbə iddia edir ki, iki gün əvvəl icra hakimiyyətinin başçısı ondan Prezident Administrasiyasına şikayət edən sakinlərdən birinə təxminən bu şəkildə bir ifadəni ismarıc kimi göndərib: “Elə etməsin ki, onu təpiyin altına salım”.
Məlumatı verən rayon sakini DİA.AZ-a onu da bildirdi ki, şikayətçi düşən vətəndaşı incidirlər: “Bu səbəbdən şikayətçi vətəndaş rayondan da başını götürüb qaçmaq istəyir. Prezident Administrasiyasına şikayət etdiyinə peşman olub”.

Short URL: http://www.cumhuriyyet.net/?p=5890

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728