Obamanın Ərdoğanı niyə təbrik etmədiyi açıqlandı
Türkiyədə 30 mart bələdiyyə seçkisində AKP qalib gələndən sonra
ölkənin baş naziri və partiyanın sədri Rəcəb Tayyib Ərdoğan bir sıra
dövlət rəhbərlərindən təbrik alıb. Lakin bu sırada ABŞ prezidenti Barak
Obama yoxdur. Türkiyə mediası da əsas diqqəti Obamanın Ərdoğanı arayaraq
təbrik etməməsinə yönəldib. Bununla bağlı müxtəlif mülahizələr
səslənməyə başlayıb.
Nəhayət, ABŞ hökuməti adından buna aydınlıq
gətirilib. ABŞ-ın Türkiyədəki səfiri Rikkardone “Cumhuriyyet” qəzetinə
açıqlamasında deyib ki, ölkəsinin yerli səviyyəli seçkilərə görə başqa
dövlətlərə təbrik göndərmək ənənəsi yoxdur. Buna görə də baş nazir
Ərdoğana bələdiyyə seçkisində qələbəsi münasibətilə Vaşinqtondan təbrik
gəlməyib. Səfir əlavə edib ki, belə bir gözləntidə olmaq yanlışlıqdır.
azadliq.info
Short URL: http://www.cumhuriyyet.net/?p=5929
