Salyanda ictimai fəala cinayət işi açılıb
Bu haqda AzadlıqRdiosuna birliyin rəhbəri Emil Məmmədov məlumat
verib. Birlik rəhbərinin sözlərinə görə o, Cinayət Məcəlləsinin 182-ci
maddəsi ilə (hədə-qorxu ilə tələb etmək) ittiham olunur. Emil Məmmədov
açılan cinayət işini birliyə və özünə qarşı təzyiq sayır:
“Bundan öncə 10 sutkalıq həbs olunmuşdu. Bu gün vaxtı tamam olurdu,
buraxılmalı idi. Ailə üzvlərinə deyiblər ki, onun haqqında hədə-qorxu
ilə tələb etmə maddəsi ilə cinayət işi açılıb. Guya idarə və müəssisə
rəhbərlərinə hədə-qorxu gələrək pul istəyib onlardan. Əslində burada
əsas hədəf təşkilat sədri kimi mənəm. Mən icra hakimi haqqında
prezidentə şikayət etmişdim. O da demişdi ki, mən buna görə ondan qisas
alacağam, Emili tutduracağam. İndi də əllərinə fürsət düşüb. İdarə
müəssisə rəhbərlərini zorla göndərib şahid kimi onun üzünə qoyublar.
Salyan polisində saxlanan Tofiqdən zorla mənim əleyhimə izahat alıb,
məni də həbs etmək istəyirlər. İşi polis aparır”
Salyan Rayon Polis Şöbəsindən Tofiq Qasımova açılan cinayət işi ilə bağlı məlumat vermək istəmədilər.
Tofiq Qasımov aprelin 4-də ictimai asayişi pozma ittihamı ilə 10
sutkalıq həbs olunmuşdu. Emil Məmmədov AzadlıqRadiosuna həbsin əsassız
və sifarişli olduğunu demişdi. O bildirirdi ki, monitorinq apararkən
üzə çıxardığı korrupsiya faktlarına görə Salyan rayon icra başçısı ondan
qisas alır.
Salyan rayon İcra Hakimiyyəti başçısının müavini Rəşad Cəbrayılov ünvanlarına səslənən iddiaları rədd etmişdi.
Rayon polis şöbəsi də Tofiq Qasımovun şərlənərək həbs olunması
barədə deyilənləri rədd edirdi. Salyan şəhər sahə müvəkkili Zeynal
Vəliyev AzadlıqRadiosuna bildirmişdi ki, Tofiq Qasımov ictimai yerdə
nalayiq ifadə işlətdiyinə görə 10 sutkalıb həbs olunub.
Short URL: http://www.cumhuriyyet.net/?p=6097
