“İtən təyyarənin sərnişinləri Əfqanıstandakı mağaralarda saxlanılır” 

Malayziya şirkətinə məxsus itmiş təyyarə müəmması davam edir. JAM.AZ xəbər verir ki, baş vermiş olayla bağlı rus mətbuatı daha bir iddia ilə çıxış edib. 

Həmin iddiada vurğulanır ki, 8 martdan etibarən yoxa çıxan Malayziyaya məxsus təyyarənin sərnişinlər hazırda Əfqanıstanın Qəndəhar vilayətindədirlər və hamısı da yaşayır. 239 sərnişinlə birlikdə təyyarənin qaçırılmasında pilotların günahkar olmadığını bildirən rus mətbuatı qeyd edib ki, insanlar qruplar şəklində Qəndəhardakı mağaralara yerləşdirilib. “Təyyarə enərkən bir qanadı qırılıb. Sərnişinlər isə 7 qrupa ayrılıb və mağaralarda yaşayırlar. Ayrıca 20 asiyalı sərnişin isə Pakistan tərəfinə göndərilib və orada bir sığanacaqda girov olaraq saxlanılırlar”.