Metroda panika..
16.04.2014 - 13:42
Metroda panika..
Bu gün metroda panika yaşanıb. Belə ki, musavat.com-a daxil olan məlumata görə, Həzi Aslanov metrostansiyası istiqamətində hərəkət edən qatar “Əhmədli” və “Həzi Aslanov” metrostansiyaları arasındakı tuneldə hərəkətini iki dəfə dayandırıb.
Əməkdaşımızın hadisə yerindən verdiyi xəbərə görə, vaqonlardan yanıq iyi gəlib, sərnişinlər arasında panika yaşanib. Onlar partlayış baş verəcəyindən qorxublar.
Daha sonra qatar “Əhmədli” stansiyasına gətirilib. Burada sərnişinlər vaqonlardan evakuasiya edilib. Stansiyaya polis işçiləri və metropoliten əməkdaşları gəliblər, sərnişinlərə qorxulu heç nə olmadığını bildiriblər.
15 dəqiqədən sonra yanıq iyi gələn qatar köməkçi teplovozun vasitəsilə depoya (“Bakmil” stansiyası) aparılıb. Metroda 12 dəqiqəlik fasilə olub, qatarlar hərəkət etməyib.
Metropolitetinin hərəkət xidmətindən aldığımız məlumata görə, qatarda texniki problem olub. Əməkdaşımızın zənginə cavab verən metropoliten əməkdaşı əlavə edib ki, onlarda saat 12-dən 1-ə qədər nahar fasiləsidir və daha sonra müfəssəl məlumat veriləcək.
Short URL: http://www.cumhuriyyet.net/?p=6186
