Onların arasında hazırda yüksək vəzifədə işləyən məmurun qardaşı da var 

Dünən prezident İlham Əliyev bir neçə rayonun icra başçısını dəyişməsi ilə bağlı sərəncamlar imzalayıb. Həmin sərəncamlara əsasən Kürdəmir və Ağdamın rəhbərləri işdən çıxarılıb. Tərtərin icra başçısı Ceyhun Cəfərov isə İrşad Əliyevi əvəzləyib. 

JAM.AZ xəbər verir ki, icra başçılarının çıxarılacağı və onların yerinə başqalarının gətiriləcəyi ilə bağlı xeyli əvvəldən məlumatlar var idi. Son bilgilərə görə isə prezidentin imzaladığı sərəncamlar davamlı olacaq və daha bir neçə rayonu əhatə edəcək. 

Aldığımız məlumata görə, yaxın vaxtlarda vəzifəsini itirəcək icra başçıları arasında bir xeyli adlar var. Onlar aşağıdakılardır: 

-Füzulinin rəhbəri Alı Alıyev;

– Masallının icra başçısı Rafil Hüseynov;

– Qaxın icra başçısı Musa Şəkiliyev;

– Zaqatalanın icra başçısı Mübariz Əhmədzadə;

– Astaranın icra başçısı Qəzənfər Ağayev;

– Zərdabın icra başçısı Lütfəli Babayev;

– Bərdənin icra başçısı Vidadi İsayev;

– Beyləqanın icra başçısı Vaqif Abdullayev;

– Saatlının icra başçısı Siraqəddin Cabbarov. 

– Xızının icra başçısı Xəzər Aslanov;

– Lerikin icra başçısı Rövşən Bağırov. 

Mənbə deyir ki, bu siyahı uzun də ola bilər. Çünki bəzi rayonların icra başçıları işdən çıxarılsa da, başqa məntəqələrə rəhbər təyin edilə bilərlər. 

Əldə etdiyimiz məlumatlarda deyilir ki, Masallının icra başçısı postuna hazırda Yardımlı rayonuna rəhbərlik edən Sevindik Hətəmov gətiriləcək. Alı Alıyevi Füzulidə əvəzləyəcək şəxsin isə Bakıdan göndəriləcəyi gözlənilir. Həmçinin Qəzənfər Ağayevin də yerinə kimin gətiriləcəyi məlumdur. Məlumatlara görə, bu şəxs elə Cənub bölgəsindən olan rayonlardan birində hazırda rəhbərlik edir.